رسالة مؤثرة من مصطفى "زيكو" للجماهير عقب خروج منتخب مصر من كأس العالم 2026

وجّه مصطفى "زيكو"، مهاجم المنتخب المصري، رسالة عاطفية إلى الجماهير المصرية عبر حسابه الرسمي على موقع التواصل الاجتماعي "إنستجرام"، وذلك بعد انتهاء مشوار "الفراعنة" في بطولة كأس العالم 2026.

للمزيد من أخبار كأس العالم 2026 اضغط هنا..

نص رسالة مصطفى زيكو

كتب زيكو في رسالته: "الحمد لله على كل حاجة وصلنالها. يمكن المشوار وقف هنا، لكن اللي حصل عمره ما هيتنسي".

وأضاف: "في البداية أحب أشكر سيادة الرئيس على دعمه واهتمامه بينا، وأشكر شعب مصر العظيم على وقفته معانا، وجمهورنا اللي كان مالي الاستاد من أول يوم لآخر لحظة، دعمكم وثقتكم كانوا أكبر دافع لينا، وكنا بنحارب في كل ماتش عشان نفرحكم".

وتابع: "فخور جدًا إني كنت جزء من البعثة دي، وفخور بكل راجل تعب وحارب وضحى، سواء كان لاعب، جهاز فني، جهاز طبي، إداري، سوشيال ميديا، أو أي حد كان موجود معانا.. كل واحد كان ليه دور، وكل واحد أدى اللي عليه بكل إخلاص".

وأكمل: "الحمد لله إن ربنا كرمنا ووصلنا لمكان يفرح كل مصري، حتى لو كان نفسنا نكمل المشوار أكتر".

واختتم رسالته قائلاً: "وعد مننا… دي مش النهاية، دي بداية لحلم أكبر. هنشتغل أكتر، وهنتعلم من كل تجربة، وإن شاء الله اللي وقفنا عنده النهارده هنبني عليه، ونرجع نفرح مصر بإنجازات أكبر. شكرًا لكل واحد آمن بينا ووقف في ضهرنا.. الحمد لله دائمًا وأبدًا.. وتحيا مصر".

خروج مشرف من المونديال

يُذكر أن المنتخب المصري قد ودع منافسات كأس العالم 2026 من دور الـ16، بعد خسارته أمام نظيره الأرجنتيني بثلاثة أهداف مقابل هدفين. أقيمت المباراة مساء الثلاثاء على ملعب "مرسيدس بنز" بمدينة أتلانتا الأمريكية، ليسدل الستار على مشوار الفراعنة المشرف في البطولة التي تستضيفها الولايات المتحدة وكندا والمكسيك لأول مرة في تاريخها بنظام الاستضافة المشتركة.

زيكو